WIC

‘O WIC ka mea ‘ai hāʻehuola me ke kumu kū‘ai ‘ole no nā kānaka i hiki!


Ho‘olako ‘o WIC i ka mea ‘ai hāʻehuola, ka ho‘ona‘auao kūlana ʻaiaola, ke kāko‘o poli ‘ai, a me ka ho‘ouna aku e lawelawe ai i kōkua i nā kānaka kōkua, nā mākuahine hou, nā kamali‘i, a me nā keiki makahiki 5 a emi iho. Hiki i nā mākua kāne, nā kupuna, a me nā kānaka kahu keiki ‘ē a‘e ke noi no WIC no nā keiki i mālama ‘ia e lākou iho. Hiki i nā ‘ohana, a me nā Kupa no ka ʻāina ʻē ke ho‘okomo i kekahi. Inā nele ‘oe i ke kālā ‘ole no ka mea ‘ai, hiki iā ‘oe ke ho‘omaka i kou palapala noi i kēia manawa, ma ka lolo uila pa‘e‘e.

E NOI I KĒIA LĀ!


He aha ‘o WIC?

‘O ka mana‘o ‘o WIC, ‘o ia no ‘o Women, Infants, a me Children ho‘i. ‘O ka pahu hope o WIC ka ho‘omaika‘i i ke ola kino a me ke kūlana ʻaiaola o nā mākuahine a me nā keiki. Ua ‘ike nō, ‘o ka manawa hāpai a me ka wā kamali‘i ka manawa nui a ‘oi no ka ulu a me ka na‘auao. Aia ‘o WIC i ‘ane‘i e kōkua.

 


He aha ka mea i ho‘olako ‘o WIC?

 

‘O nā pono keu no nā mahina pākahi no nā mea ‘ai kūlana ʻaiaola:
‘O ka ‘ōlelo a‘o poli ‘ai a me ka lawelawe kāko‘o:
Ho‘ouna i nā lawelawe ‘ē a‘e
  • ‘O ka waiū, ka waiūpa‘a, ke kiliala, ka mea ulu a me ka poi, ka hua ‘ai, ka wai hua ‘ai 100%, ka pia‘ai e like me ka laiki, ka mea ‘ai ho‘ohuihui, ka hua moa, ka tōfū, ka mea ‘ai keiki a ‘oi!

‘O KA PAPA HELU MEA ‘AI ‘O WIC

  • ‘O ke kāko‘o poli ‘ai mai nā makuahine o nā hoa kūkākūkā like
  • ‘O ka ‘ōlelo a‘o poli ‘ai mai nā laekahi poli ‘ai
  • Loa‘a nā pauma waiū no nā mākuahine i makemake.
  • ‘O ka mea ‘ai kūikawā no nā makuahine poli ‘ai no nā mahina 6 a ‘oi.
  • ‘O ka laekahi hānai waiū
  • ‘O ke kamali‘i maika‘i a me ka mālama keiki
  • ‘O Medicaid ho‘i
  • ‘O Temporary Assistance to Needy Families (TANF) ho‘i
  • ‘O Supplemental Nutrition Assistance Program (SNAP)/Food Stamps ho‘i
  • ‘O ka papa hana ‘ohana
  • ‘O Head Start ho‘i

Pehea e noi ai

Hiki iā ‘oe ke ho‘okomo i WIC Hawai‘i inā ‘oe:

Piha pono a ho‘ouna i ka palapala noi mua ‘o Hawaiʻi WIC ma ka lolo uila pa‘e‘e, a e kāhea kekahi kanaka WIC iā ‘oe. Hiki ho‘i iā ‘oe ke kāhea 586-8175 (Oahu) ai ‘ole kāki ‘ole ma 1-888-820-6425 (No nā mokupuni ma waho o O‘ahu) no ke kōkua.

Eia ka Palapala Noi Mua nei.

 


‘O Kou Ho‘opa‘a Manawa Mua

He aha nā mea a‘u e pono ai e lawe mai i ko‘u hālāwai mua?
  • He mea hō‘oia‘i‘o kupa nou a me kou mau keiki i ka makahiki 5 a ‘emi e like me ka palapala hānau, laikini kalaiwa ka‘a, kāleka ID mai ke kula, ai ‘ole kekahi palapala olakino mai ke kauka
  • He mea hō‘oia‘i‘o o kou wahi noho e like me kekahi palapala ho‘olimalima ai ‘ole kekahi palapala molaki, kekahi pila ‘ōnaepuni ai ‘ole kekahi pila kelepona, kekahi palapala loa‘a kālā ai ‘ole kekahi leka mai kekahi wahi ho‘omalu.
  • He mea hō‘oia‘i‘o o kou loa‘a kālā e like me kekahi mau palapala loa‘a kālā, nā leka mai SNAP ai ‘ole TANF, kekahi mau kāleka MEDICAID, ai ‘ole kou mau palapala ho‘oka‘a ‘auhau.
He aha nā mea o‘u e mahu‘i ai?

I kou hālāwai mua, e ha‘i ana kekahi limahana 'o WIC i nā loina e hō‘oia i kou hiki ke ho‘okomo

E hana ana kou limahana penei:
  • Nānā a kolokolo i kou ola kino
  • Kūkā kama‘ilio e pili ana i ke kūlana ‘aiaola a me nā mea nui o ke ola kino
  • Ho‘ouna i nā kauka lapa‘au pono a me nā lawelawe ola kino pono
  • Kōkua iā ‘oe a me kou mo‘ohelu mea ‘ai i ka ho‘olako ‘ana o nā pono keu no nā mahina pākahi a me ka ho‘ona‘auao

E ho‘omana‘o, e hele me kāu keiki i kou hālāwai mua.

 


‘O ke kāleka a me nā pono keu ‘o eWIC

He aha ka mea i ho‘olako ‘o WIC?
  • ‘O kekahi kāleka pono keu ‘o eWIC a me kekahi papa helu o nā mea ‘ai e hiki ai ke kū‘ai mai me ia.
  • Nānā a kolokolo i ke ola kino a me ke kūlana ‘aiaola no nā lālā pākahi o kou ‘ohana.
  • Kuauhā kūlana ‘aiaola e pili ana i kou pono a me kou kuleana.
  • ‘O ka nū hou a me a me ke kāko‘o poli ‘ai no nā kānaka i makemake.
  • Ho‘ouna i nā papa kuhikuhi a me nā lawelawe ‘ē a‘e.
  • Hiki ke ho‘opa‘a manawa i nā hālawai auwaea ai ‘ole he alo a he alo.

FAQs

Pehea au e loa‘a ai i nā pono keu 'o WIC i ko‘u pilawaiwai ‘o WIC?

Ma kou hālāwai ‘o WIC, e ho‘okomo ana kekahi limahana ‘o WIC i kou mau pono keu i loko o ko kou ‘ohana pilawaiwai. E loa‘a ana iā ‘oe kekahi papa helu o ko kou ‘ohana pono keu ‘o WIC no nā mahina ‘ekolu a‘e. E loa‘a ana i ka papa helu ka manawa ho‘omaka a me ka manawa pau o kou mau pono keu.

He aha ke kāleka ‘o eWIC?

‘O ke kāleka ‘o eWIC e like me ke kāleka panakō. Hiki iā ‘oe ke kū‘ai mai me kou kāleka ‘o eWIC i nā mea ‘ai i ‘ae ‘ia e WIC mai na hale kū‘ai ‘o WIC. E ho‘okomo ana kou ke‘ena kūloko i ko kou ‘ohana pono keu i kou pilawaiwai ‘o eWIC.

‘O wai ke kāhea inā he pilikia ko‘u me ko‘u kāleka ‘o eWIC?
  • E kama‘ilio me nā limahana o kou ke‘ena kūloko ‘o WIC
  • E kipa i ka limahana o kou hale kū‘ai
  • E kāhea i ka limahana ‘o eWIC ma 1-844-540-3013
  • E kipa iā www.WICconnect.com

 


‘O ka polokamu kelepona kelulā ‘o WICShopper

‘O nā mea hana o ka polokalamu:

  • E lolelole i nā mea ‘ai me ka Scan Barcode ho‘i i hiki ai ke ‘ike i nā mea i ‘ae ‘ia e WIC.
  • Nānā i ka papa helu mea ‘ai i ‘ae ‘ia e WIC.
  • E hana iā I Couldn‘t Buy This! ho‘i e hō‘ike i kekahi mea ‘ai āu i mana‘o ai, ua ‘ae ‘ia ia mea ‘ai akā ‘a‘ole hiki ia‘u ke kū‘ai mai ka hale kū‘ai.
  • E nāna iā Yummy Recipes!
  • E ho‘opa‘a i kou kāleka ‘o WIC a hana iā My Benefits ho‘i e ‘ike i ke koena o kou pono keu.
  • E ‘imi a loa‘a kekahi ke‘ena ‘o WIC ai ‘ole kekahi hale kū‘ai ‘o WIC.
  • E hana ‘oe i ka Produce Calculator ho‘i a me ka Cereal Calculator ho‘i i ko’u kū‘ai ‘ana.

 

Ho‘oili i ‘ane‘i no iPhone ho‘i

Ho‘oili i ‘ane‘i no Android ho‘i

 

‘Ike i kou mau pono keu ‘o WIC

Hiki wale iā ‘oe ke kū‘ai mai i nā mea ‘ai i loko o kou pū‘olo mea ‘ai ‘o WIC. Inā hō‘ike ke kolokolo iā “WIC allowed” ho‘i, ‘a’ole hiki paha iā ‘oe ke kū‘ai mai i ia mea ‘ai no ka mea ‘a‘ole ia mea ‘ai i loko o kou mau pono keu ‘o WIC. Eia kekahi, pono ke kini i‘a e helu ma kou pū‘olo mea ‘ai ma mua o kou kū‘ai mai i ka hale kū‘ai. Pono e ho‘opa‘a i kou kāleka ‘o WIC i loko o kou polokalamu kelepona kelulā no ka mea ‘a’ole ‘ike paha ia polokalamu i nā mea i ‘ae ‘ia no ko kou ‘ohana pono keu.

E ho‘opa‘a i ke kāleka ‘o eWIC a me ka polokalamu kelepona kelulā ‘o WICShopper

Ho‘okuene i kou kāleka ‘o eWIC:

  • Koho i kekahi Personal Identification Number (PIN) me nā kikoho‘e 4 ma mua o ka ho‘ohana me kou kāleka.
  • E koho i kou PIN:
    • E kāhea i ke kelepona ‘akomi ma 1-888-347-5449 AI ‘OLE
    • E kipa ma ka Pūnaewele ma: health.hawaii.gov/wic/eWIC
    • Ma laila, hiki iā ‘oe ke koho i kou PIN.

E ho‘okuene i kou polokalamu kelepona kelulā ‘o WICShopper:

  • E ho‘ouka iā “WICShopper” mai kou hale kū‘ai polokalamu kelepona kelulā.
  • Koho iā Hawaii i kou ke‘ena ‘o WIC ho‘i.
  • E ho‘opa‘a me nā helu kikoho‘e 16 ma kou kāleka ‘o eWIC ho‘i.
  • E lolelole i nā mea me nā pā‘ālua e hō‘ike i nā mea ‘ai i ‘ae ‘ia e WIC ke kū‘ai ‘oe.
  • E nānā i kou mau pono keu, ka papa helu mea ‘ai i ‘ae ‘ia, nā lekapī, a ‘oi mai ka polokalamu kelepona kelulā!

 


‘O ka Papa Helu Mea ‘Ai ‘o Hawaii WIC ho‘i

‘O KA ‘UWĪ WAIŪ A ME KA PĀPAPA KOIŪ

  • ‘O ka waiū me ka ‘ailakele ‘ole a me ka ‘ailakele iki (1%) no nā wāhine a me nā keiki ma waena o ‘elua makahiki a me ‘elima makihiki
  • ‘O ka waiū me ka ‘ailakele a pau no nā keiki ma waena o ‘umikūmāwalu mahina a me iwakāluakūmāhā mahina.
  • Waiūpa‘a
  • ‘O ka waiū a me ka waiūpa‘a Kosher ho‘i
  • ‘O ka waiū pāpapa koiū a me ka tōfū
  • ‘O ka waiūtepe

‘O KE KUMU‘I‘O

  • ‘O nā hua moa
  • ‘O nā pāpapa, ai ‘ole nā lenekila
  • ‘O nā kini pāpapa
  • ‘O ka pīnekipaka
  • ‘O nā kini i’a no nā wāhine poli ‘ai wale

‘O NA HUIKA HOLO‘OKO‘A

  • ‘O ka laiki palaunu
  • ‘O nā tōtia (kūlina ai ‘ole huika holo‘oko‘a)
  • ‘O ka palaoa (huika holo‘oko‘a)
  • ‘O ka ‘okamila
  • ‘O ka nulu ʻīkālia huika holo‘oko‘a

‘O KA WAI HUA ‘AI

  • ‘O ka wai hua ‘ai 100%

‘O NĀ HUA ‘AI A ME NĀ LAU‘AI

  • ‘O nā hua ‘ai a me nā lau‘ai hou a ho‘opa‘ahau
  • ‘O ka wai hua ‘ai 100% me ka wikiamina C
  • *Hiki iā ‘oe ke kū‘ai mai i ka poi me ke kālā 'o WIC no nā hua ‘ai a me nā lau‘ai

‘O KE KILIALA

  • Aia ka meki i loko a kōpa‘a iki
  • Loa‘a i ka nui ka huika holo‘oko‘a a nui ka hā‘a‘a ‘ai
  • ‘O nā mea ‘ai me ka gluten ‘ole ho‘i

‘O NĀ MEA ‘AI KAMALI‘I A ME WAIŪ HO‘OHUIHUI NO NĀ KAMALI‘I

  • ‘O ke kiliala kamali‘i
  • ‘O nā hua ‘ai a me nā lau‘ai no nā kamali‘i
  • ‘O nā ‘i‘o mea ‘ai kamali‘i no nā kamali‘i poli ‘ai wale
  • ‘O ka waiū ho‘ohuihui*

Kūlia ‘o *WIC e kōkua i nā mākuahine e hiki ai i ko lākou pahu hope poli ‘ai. Ke ho‘omaka ai ‘ole ho‘onui ‘oe i ka hā‘awi aku o ka waiū ho‘ohuihui, e emi ana kou waiū pono‘ī no ka poli ‘ai. Inā nele ‘oe i ke kōkua ‘ole e pili ana i kou waiū pono‘ī, ke ‘olu‘olu e kāhea i kou ke‘ena kūloko ‘o WICE ‘imi a loa‘a i kou Limahana Poli ‘Ai kūloko ‘o WIC i ‘ane‘i.


‘O ka Papa Helu Mea ‘Ai ‘o Hawaiʻi WIC no nā wāhine hāpai

‘O kou mau mea ‘ai ‘o WIC:

  • Nui ka hā‘a‘a ‘ai a emi ka momona
  • Nui nā paiola like ‘ole
  • Kōkua a kāko‘o i ka ho‘onui paona o ke kamali‘i hā‘ehuola.

‘O ka Pū‘olo Mea ‘Ai

  • ‘O ke kiliala: 36 ‘auneki
  • ‘O ka huika holo‘oko‘a: 1 paona
  • ‘O nā hua ‘ai a me nā lau‘ai: $47
  • ‘O ka wai hua ‘ai: 144 ‘auneki (3-12oz ho‘opa‘ahau ai ‘ole 3-48oz ipu)
  • ‘O ka waiū ho‘ēmi momona ai ‘ole waiū he‘e: 4.5 kālani
  • ‘O ka waiūtepe ai ‘ole ka waiū ho‘ēmi momona ai ‘ole waiū he‘e: 1 kuaka
  • ‘O ka waiūpa‘a: 1 paona
  • ‘O nā hua moa: 1 kākini
  • ‘O nā pāpapa a me ka pīnekipaka: 1 paona malo‘o ai ‘ole 4 kini a me ka pīnekipaka 16-18 ‘auneki poho aniani

Ma mua o ka hānau ‘ana o kāu kamali‘i, e kama‘ilio me kekahi hoa kūkākūkā ‘o WIC e pili ana i ke koho ‘ana o ho‘okahi pū‘olo nou a me kāu kamali‘i ma waena o ‘ekolu mau pū‘olo.


 

‘O ka Papa Helu Mea ‘Ai ‘o Hawaiʻi WIC no nā Mākuahine a me nā Kamali‘i Poli ‘Ai Wale

‘O kēia pū‘olo mea ‘ai ka pū‘olo nui loa a ‘a‘ohe waiū ho‘ohuihui. Hiki i nā mākuahine a me nā kamali‘i ke loa‘a kēia pū‘olo mea ‘ai a hiki i ko ke kamali‘i lā hānau mua.

E loa‘a ana iā ‘oe ke kāko‘o poli ‘ai i ka makahiki mua o kāu kamali‘i. ‘Āpono ‘o WIC a ‘o American Academy of Pediatrics e hānai ‘ai i kāu kamali‘i me kou waiū pono‘ī wale nō no nā mahina 6 mua o kona ola. I ka mahina 6 o kāu keiki, hā‘awi aku i ka mea ‘ai maoli a e ho‘omau i ka poli ‘ai no nā makahiki 2 a ‘oi, ke makemake.

‘O ka Pū‘olo Mea ‘Ai no ka Makuahine

  • ‘O ke kiliala: 36 ‘auneki
  • ‘O ka huika holo‘oko‘a: 1 paona
  • ‘O nā hua ‘ai a me nā lau‘ai: $52
  • ‘O ka wai hua ‘ai: 144 ‘auneki (3-12oz ho‘opa‘ahau ai ‘ole 3-48oz ipu)
  • ‘O ka waiū ho‘ēmi momona ai ‘ole waiū he‘e: 5 kālani
  • ‘O ka waiūtepe ai ‘ole ka waiū ho‘ēmi momona ai ‘ole waiū he‘e: 1 kuaka
  • ‘O ka waiūpa‘a: 2 paona
  • ‘O nā hua moa: 2 kākini
  • ‘O nā pāpapa a me ka pīnekipaka: 1 paona malo‘o ai ‘ole 4 kini a me ka pīnekipaka 16-18 ‘auneki poho aniani
  • ‘O nā kini tuna, kāmano, makalē ai ‘ole ‘ōpelu: 30 oz

‘O nā mākuahine i poli ‘ai i kekahi mau kamali‘i (‘o nā māhoe a me nā pūkolu a pēlā aku), e loa ‘a ana ka mea ‘ai i ho‘onui ‘ia.

‘O ka Pū‘olo Mea ‘Ai no ke Kamali‘i

I ka mahina 0-5 o kāu kamali‘i:

  • ‘O kou poli ‘ai ka mea ‘ai pono no kāu keiki i kēia manawa.

I ka mahina 6-11 o kāu kamali‘i:

  • ‘O ke kiliala kamali‘i: 24 ‘auneki (8oz ai ‘ole 16oz ipu)
  • ‘O ka hua ‘ai a me ka lau‘ai no ke kamali‘i: 64 ipu, 4oz pākahi
  • ‘O ka ‘i‘o mea ‘ai kamali‘i: 31 ipu, 2.5oz pākahi

‘O ka Papa Helu Mea ‘Ai ‘o Hawai‘i WIC no nā Mākuahine a me nā Kamali‘i Poli ‘Ai ka Hapa o ka Manawa

‘O kēia pū‘olo no nā ‘ohana i hānai i ke kamali‘i me ka poli ‘ai a me ka waiū ho‘ohuihui. Ho‘ēmi ka mea ‘ai ma kēia pū‘olo i ka pū‘olo poli ‘ai wale, akā ‘oi aku ka mea ‘ai i ia pū‘olo ma mua o ka pū‘olo waiū ho‘ohuihui, a loa‘a ia ka waiū ho‘ohuihui. Loli ka nui o ka waiū ho‘ohuihui i ka makahiki/mahina o kāu kamali‘i. Hiki ke loa‘a i nā mākuahine a me nā kamali‘i kēia pū‘olo a hiki i ka lā hānau mua o ia kamali‘i.

Ke makuahine ‘o WIC, e loa‘a ana ke kāko‘o poli ‘ai i ka makahiki mua o kāu keiki.

‘O ka Pū‘olo Mea ‘Ai no ka Makuahine

  • ‘O ke kiliala: 36 ‘auneki
  • ‘O ka huika holo‘oko‘a: 1 paona
  • ‘O nā hua ‘ai a me nā lau‘ai: $52
  • ‘O ka wai hua ‘ai: 144 ‘auneki (3-12oz ho‘opa‘ahau ai ‘ole 3-48oz ipu)
  • ‘O ka waiū ho‘ēmi momona ai ‘ole waiū he‘e: 4.5 kālani
  • ‘O ka waiūtepe ai ‘ole ka waiū ho‘ēmi momona ai ‘ole waiū he‘e: 1 kuaka
  • ‘O ka waiūpa‘a: 2 paona
  • ‘O nā hua moa: 1 kākini
  • ‘O nā pāpapa a me ka pīnekipaka: 1 paona malo‘o ai ‘ole 4 kini a me ka pīnekipaka 16-18 ‘auneki poho aniani

‘O ka Pū‘olo Mea ‘Ai no ke Kamali‘i:

E poli ‘ai ke pili ‘oe me kāu kamali‘i

I ko kāu kamali‘i mahina mua:

  • ‘O ka waiū ho‘ohuihui: Hiki paha iā ‘oe ke loa‘a i 1 kini o 12.4 ounce pauka o ka waiū ho‘ohuihui. E nīnau aku ‘oe i nā limahana ma kou ke‘ena kūloko ‘o WIC.

I ka mahina 1-3 o kāu kamali‘i:

  • ‘O ka waiū ho‘ohuihui: A hiki i nā kini 4 o ka pauka 12.4 ounce*

I ka mahina 4-5 o kāu kamali‘i:

  • ‘O ka waiū ho‘ohuihui: A hiki i nā kini 5 o ka pauka 12.4 ounce*

I ka mahina 6-11 o kāu kamali‘i:

  • ‘O ka waiū ho‘ohuihui: A hiki i nā kini 4 o ka pauka 12.4 ounce*
  • ‘O ke kiliala kamali‘i: 24 ‘auneki (8 ‘auneki ai ‘ole 16 ounce ipu)
  • ‘O ka hua ‘ai a me ka lau‘ai no ke kamali‘i: 32 ipu, 4 ounces pākahi

*Loli kokekau ka waiū ho‘ohuihui


 

‘O ka Papa Helu Mea ‘Ai ‘o Hawai‘i WIC no nā Mākuahine a me nā Kamali‘i ‘Ai i ka Waiū Ho‘ohuihui

‘O kēia pū‘olo no nā ‘ohana i hānai waiū ho‘ohuihui i ka hapanui o ka manawa me ka poli ‘ai i ka hapa iki o ka manawa, ai ‘ole ‘o ka waiū ho‘ohuihui wale nō. ‘Oi aku ka waiū ho‘ohuihui o ia pū‘olo ma mua o ka pū‘olo poli ‘ai hapa, akā ‘a‘ole lawa wale nō ka waiū ho‘ohuihui no ke kamali‘i ma ia pū‘olo. Inā koho nā mākuahine i kēia pū‘olo, e loa‘a ana nā mea ‘ai no nā mahina 6 mua, ma hope o ka hānau keiki.

Inā koho ‘oe i kēia pū‘olo, e loa‘a ana i kāu kamali‘i kēia mau mea ‘ai i ka makahiki mua a pau. E loa‘a ana iā ‘oe nā mea ‘ai nou iho no nā mahina 6 wale nō. Ke makuahine ‘o WIC, e loa‘a ana iā ‘oe ke kāko‘o poli ‘ai i ka makahiki mua a pau o kāu kamali‘i.

‘O ka Pū‘olo Mea ‘Ai no ka Makuahine

  • ‘O ke kiliala: 36 ‘auneki
  • ‘O nā hua ‘ai a me nā lau‘ai: $47
  • ‘O ka wai hua ‘ai: 96 ‘auneki (2-12oz ho‘opa‘ahau ai ‘ole 48oz ipu)
  • ‘O ka waiū ho‘ēmi momona ai ‘ole waiū he‘e: 3 kālani
  • ‘O ka waiūtepe ai ‘ole ka waiū ho‘ēmi momona ai ‘ole waiū he‘e: 1 kuaka
  • ‘O ka waiūpa‘a: 1 paona
  • ‘O nā hua moa: 1 kākini
  • ‘O nā pāpapa a me ka pīnekipaka: 1 paona malo‘o ai ‘ole 4 kini a me ka pīnekipaka 16-18 ‘auneki poho aniani
  • Ho‘olako ka pū‘olo mea ‘ai waiū ho‘ohuihui i kēia mau mea ‘ai no nā mahina ‘eono ma hope o ka hānau o kāu kamali‘i. Ke koho nā mākuahine i nā pū‘olo poli ‘ai wale ai ‘ole nā pū‘olo poli ‘ai hapa, ‘oi aku ka nui o ka mea ‘ai no ho‘okahi makahiki a pau.

‘O ka Pū‘olo Mea ‘Ai no ke Kamali‘i:

E poli ‘ai ke pili ‘oe me kāu kamali‘i.

I ka mahina 0-3 o kāu kamali‘i

  • ‘O ka waiū ho‘ohuihui: A hiki i nā kini 9 o ka pauka 12.4 ounce*

I ka mahina 4-5 o kāu kamali‘i

  • ‘O ka waiū ho‘ohuihui: A hiki i nā kini 10 o ka pauka 12.4 ounce*

I ka mahina 6-11 o kāu kamali‘i

  • ‘O ka waiū ho‘ohuihui: A hiki i nā kini 4 o ka pauka 12.4 ounce*
  • ‘O ke kiliala kamali‘i: 24 ounces (8 ounce ai ‘ole 16 ounce ipu)
  • ‘O ka hua ‘ai a me ka lau‘ai no ke kamali‘i: 32 ipu, 4 ounces pākahi

*Loli kokekau ka waiū ho‘ohuihui


 

‘O ka Papa Helu Mea ‘Ai ‘o Hawai‘i WIC no nā Kamali‘i ma waena o nā makahiki 1-2

‘O ka mea ‘ai ‘o WIC o kāu keiki:

  • Nui ka hā‘a‘a ‘ai a emi ka momona.
  • Nui nā paiola like ‘ole.
  • Kōkua a kāko‘o i ka paona pono no ke keiki.

‘O ko ka pū‘olo mea ‘ai keiki (pākahi):

  • ‘O ke kiliala: 36 ‘auneki
  • ‘O ka huika holo‘oko‘a: 2 paona
  • ‘O nā hua ‘ai a me nā lau‘ai: $26
  • ‘O ka wai hua ‘ai: 128 ‘auneki (2-16oz ho‘opa‘ahau ai ‘ole 64oz ipu)
  • ‘O kuapo ka waiū: 2.5 kālani
  • ‘O ka waiūtepe ai kuapo ka waiū: 1 kuaka
  • ‘O ka waiūpa‘a: 1 paona
  • ‘O nā hua moa: 1 kākini
  • ‘O nā pāpapa: 1 paona malo‘o ai ‘ole 4 kini

‘O ka Papa Helu Mea ‘Ai ‘o Hawai‘i WIC no nā Kamali‘i i ka Makahiki 2-5

Pehea ka ‘oko‘a o kēia pū‘olo i ka pū‘olo no nā kamali‘i makahiki 1-2?

  • Kuapo ka waiū piha me ka waiū ho‘ēmi momona (1%) ai ‘ole ka waiū he‘e.
  • Ho‘okomo i nā pīnekipaka a me nā kini pāpapa ma kahi o nā pāpapa malo‘o.

‘O ko ka pū‘olo mea ‘ai keiki (pākahi):

  • ‘O ke kiliala: 36 ‘auneki
  • ‘O ka huika holo‘oko‘a: 2 paona
  • ‘O nā hua ‘ai a me nā lau‘ai: $26
  • ‘O ka wai hua ‘ai: 128 ‘auneki (2-16oz ho‘opa‘ahau ai ‘ole 64oz ipu)
  • ‘O ka waiū ho‘ēmi momona ai ‘ole waiū he‘e: 2.5 kālani
  • ‘O ka waiūtepe ai ‘ole ka waiū ho‘ēmi momona ai ‘ole waiū he‘e: 1 kuaka
  • ‘O ka waiūpa‘a: 1 paona
  • ‘O nā hua moa: 1 kākini
  • ‘O nā pāpapa a me ka pīnekipaka: 1 paona malo‘o ai ‘ole 4 kini a me ka pīnekipaka 16-18 ‘auneki poho aniani