WIC

WIC ej melelein mõñà ko remman ñan ānbwin im EJELOK WÕNĀĀN ñan ro ekkar ñan bõke,


WIC ej nalõmān kõtlok ebbõk mõñā ko remman ñan ānbwin, katakin kõn mõñā ko elap õnier, lelok jipañ ikijjien kaninnin ajiri, lelok etan bõroro ro nan jikin jipañ ko jet, ro ej kab jino naje, ninnin ro, im ajiri ro iumin 5 yio dettaer. Ro jemān, jimman/jibwin, im ro rej bõk eddoier remaroñ kanne ablikajen in bõk jipañ jen WIC ñan ajiri ro rej lale im kõjparok er. Paamle ko rej jerbal im ro ejjab er armij in Amerka rebareinwõt maroñ bõk jipañin. Ñe kwõj aikuijin kõkajoorlok bajet in wia mõñā ne am, kwomaroñ jino kanne am ablikajen kio wõt ilo online.

KANNE AM ABLIKAJEN RAININ

(Ilo kajjin Belle)

Kwõj  kõnaan ke  bwe en wõr  ainikiem im kwõj kõnaan kwalok lomnak ko am? Bõk ak kõmmane jerbe/alloke Brokraam ne an WIC ñan jipañ kõkõmanmanlok jerbal in ñan  Hawaii.

SURVEY HERE!

(Ilo kajjin Belle)


Ta in WIC?

WIC ej melelein Kõrā (Women), Niñniñ (Infants), im Ajiri (Children). Jibadbad im kõtõpar eo an WIC ej ñan kõkõmanmanlok ājmour im mõñā ko elap õnier ñan jinen im ajiri ro. Elap jelālokjen ippād ke ilo ien eo kõra eo ej bõroro im ien eo ajiri eo ej dikwõt ej ien eo aurõk tata bwe ej ien an ajiri eo ejaak im rūttolok.


Ta eo WIC ej kõmmane ak nalõmān?

Letok jipañ aolep allõñ ikijjien mõñā ko elap õnier.
  • Milik, jiij,j iriel, bejetebõl ekoba iraaj irir (poi), leen wõjke, 100% jūūj (juice), mõñā in edek ko rekwedik einwõt raij, bomila/milik ko nimen ajiri, lep, tobu, mõñā ko kijjen niñniñ im ebar lõñlok kain. 

LAAJRAKIN MÕÑA EO AN WIC

(Ilo kajjin Belle)

Jikin jipān ko ñan kapilõk kõn kaninnin ajiri.
  • Jipañ in kapilõk ikijjien kannin ilo brokraam eo an jinen jinen jen kuonjel ro rej bar kannin Jipañ im kounjel
  • Katak ikkijien kannin jen ro rej timjemlok
  • Ewõr bam ak kein kõtoor itti ñan ro rej aikuj
  • Mõñā ko remman im ekkar ñan kõra ro rej kannin ilo 6 allõñ im aetoklok

 

Lemaanlok ak jaakemanlok etam ñan jikin jipañ ko jet:
  • Kapilõk jen eo etijemlok ilo katikin kõn wawen an ānbwin kõra kwalok milik ilo ien eo rej bõroro.
  • Jikin lale im kõjparok an niñniñ im ajiri
  • Medicaid injuran.
  • Jipañ ko retõmbõrāre/ekadu jetõnaakin nan Paamle ko Rej Aikiuji. (TANF)
  • Brokraam in Jipañ eo ñan Mõñā ko elap Õnier (SNAP)/Food Stamps
  • Jipañ ko ikijjien karok ak lõmnake koban juon paamle, (jete aijri im ewi ikutkutier)
  • Head Start

Ewi wawen kanne ablikajen

Kwõmaroñ deloñ im pād ilo brokraam in an Hawai’i WIC iumwin wawen kein:

Jino kanne im jilkin juon am ablikajen ñan Hawai’i WIC ilo online, im juon ian rijerbal in WIC enaj call/ kūr waj eok. Kwõmaroñ bar call/kūr tok 586-8175 (Oahu) ak toll free ilo
1-888-820-6425 (Aelon kane Iturur) nan bõk jipañ. 

Ijino Ablikajen Ijin

(Ilo kajjin Belle)


Aboinmen/ien iion doon eo Kein Kajuon

Ta eo ij aikuj in bõktok ñan aboinmen/iion doon eo ao kein kajuon?
  • Pepa im kamool wõn kwe im jabrewõt ajiri ro lok ñan 5 yio dettan, einwot pepa in lotak, laijen in kattõr, ID kaat in jikuul, ak rekoot/pepa jen taktõ.
  • Pepa im kamool atrej eo am einwõt pepa in ren ak kõllaik mweo imõm, biil in jarom ak jel/cell eo am, pepa in kõlla onāām, ak leta jen imõn kõppād ko an kien.
  • Pepa in kamool am kõlla/onāam, leta ko jen SNAP ak TANF, Medicaid kaat, ak pepa in owõj ko am.
Ta eo in katmāne?

Ilo aboinmen/ien iion doon eo kein kajuon, juon rijerbal an WIC enaj kõmeleleik eok kõn aolep men ko rej aikuji ñan aer etali im lale ekkar ke bwe kwõn maron bõk jipañ.

Rijerbal eo ej jerbal ippam im Jipañ eok enaj:
  • Etale im watake ājmour
  • Kõmman ien kenono kõn mõña ko elap õnier im bareinwõt abnono ko ikijjien ājmour
  • Lelok ak lemaanlok eok ñan jikin bõk ājmour ko jet im bareinwot jikin jipañ ko jet
  • Naj lewaj jāān in jipañ aoleb allõn im bareinwõt lewaj katakin/kapilõk ñan jipañ eok jerbale bajet in mõñā ne am.

Kememej bwe ajiri eo ej aikuj pād ippām ilo aboinmen/ien iion doon eo am kein kajuon


Kaat im Jipañ ko jen eWIC

Ta eo WIC ej kõmmane ak nalõmān?
  • Juon eWic kaat im juon lajraak in mõñā ko kwõnaj maroñ wiaiki.
  • Juon ekatak ñan etale ājmour im õn in mõñā ñan aolep ro rekkar ilo paamle eo am
  • Katakin/kapilõk kõn wūnlepin õn in mõñā ñan kajeon bukõt ewõr ke ta bar am aikuj im abnono
  • Melele ko ikijjien kaniñniñ im jipañ ñan ro rej itok limoier
  • Lelok ak lemaanlok etam ñan brokraam im jikin jipañ ko jet
  • Kõmman bwe en biroro jikejuul ko ñan ien aboinmen/iion doon im bareinwot ien kenono ilo telboon ak online

Kajjitõk im Uwaak

Ewi wawen an deloñ jāān in jipañ kane jen WIC ñan ilo WIC akaun ne ao?

Ilo ien aboinmen ne ippān WIC, rijerbal ne an WIC enaj kanne waj jāān in jipañ kane an paamle ne am ilo eWIC akaun ne am. Enaj lewaj juon lajraak in jipañ kane jen WIC ñan paamle ne am ñan allõn kane jilu rej pedo tok. Lajraak ne enaj kwalok raan ne ej ijino im raan ne enaj jemlok jipañ.

Ta in eWIC kaat?

eWIC kaat ne ej jerbal einwõt tebet kaat. Kwomaroñ kõjerbale eWIC kaat ne ñan wia
mõñā ko emõj an WIC kemālimi ilo imõn wia ko emõj an bar WIC kemālimi. Ra ak obiij
ne ilo bukõn ne am enaj kanne jipañ kane an paamle ne am ilo eWIC akaun ne am.

Wõn eo imaroñ calle ak bõk jipañ jene ne ewõr jorrān ak kajjitõk ikijjien eWIC kaat e ao?
  • Kepaak im kenono ippān rijerbal ro ilo obiij eo an WIC
  • Etal ñan kajtõmer jerbej (jikin jipañ) eo ilo mõn wia eo am
  • Call/kūr lok eWIC Kajitõmer Jerbej (Jikin Jipañ) eo ilo 1-844-540-3013
  • Etal ñan www.WICconnect.com

WICShopper App eo ilo jel (cell) eo am

Ilo App ne ewõr ak emaroñ kwaloki men kein:

  • Jikāāne baarkoot ko ñan am jela mõñā ta ko WIC ej kāmalimi.

  • Etale laajrakin mõñā ko remālim jen WIC.

  • Kejerbal I Couldn't Buy This! ñan am riipoot e mõñā ko emõj an WIC kemālimi ak kwõjab maroñ wiaki ilo imõn wia eo.

  • Pukote im lali Yummy Recipes!

  • Rejijtõre WIC Card im kõjerbale My Benefits ñan am loe im etale jete bwe in jipañ ilo kaat ne am.

  • Pukõte Obiij eo an WIC ak mõn wia ko kwõj maron kõjerbal WIC ie.

  • Kõjerbal Produce Calculator im Cereal Calculator ilo ien eo kwõj kaikūjkūj."

Tawunloti/Download iPhone ijo 

Tawunlowūti/Download Android ijo

(Ilo kajjin Belle)

Jela im melele ta mõñā in jipañ ko am maake jen WIC

Ewõr wõt am mālim in wiaiki mõñā ko WIC ear kemālim ñan eok. Jekdon ñe kwõj jikāāne im ej walok “WIC” ak ñe ejjab pād ilo pakij/aikiu in jipañ ne am jen WIC, innem kwõj jab maroñ waiki. Juon waan joñak, ek ilo kuwat remaroñ pād ilo laajrak in pakij/aikiu in mõñā in jipañ ne am im kwomaroñ wiaiki. Kwõj aikuj in rejijtõre WIC kaat ne am ilo jel/cell app ne, elañe jab, innem jel/cell app ne emaroñ jab kile ta jipañ ko remālim ilo karok ñan paamle ne am.

Rejijtõre eWIC kaat im WIC Shopper App ne am

Ñan jino eWIC kaat ne am

  • Kāālet 4 nõmba ñan Personal (am maake) Identification (kajjiem) Number (nõmba) (PIN) mokta jen am kõjerbal kaat ne am
  • Wāwen am kāālet PIN eo am
    • Call/kūr lok aatomātik telboon lain eo ilo 1-888-347-5449 AK
    • Etal ñan: health.hawaii.gov/wic/eWIC
    • Jen ijjin enaj walok ijo kwõj maroñ kāālet PIN nõmba eo am

Ñan jinoe WICShopper App ilo jel/cell ne am:

  • Kõlaake “WICShopper” jen app store ne kwõnaj loe ilo jel/cell ne am
  • Kāālet Hawaii ke ej WIC ajenji/agency eo am
  • Kwõnaj kõjerbale nõmba kane 16 ilo eWIC kaat ne am ñan rejijtõr
  • Jikāāni baar kout ilo am kaikujkuj bwe kwõn jela mõñā ta kane remālim jen WIC.
  • Lale ilo app ne am jejjõt in jipañ kane am, Laajrak in Mõña Ko Emõj Kõmālimi, iiok ko, im ebar lon men.

MILIK IM MÕÑĀ KO KÕMMAN JEN MILIK (DAIRY) IM JOWE PIIN (SOY)

  • Milik ko ejelok im edik kiriij Fat-Free im Low-Fat (1%) ñan kõra im ajiri 2 lok ñan 5 yio
  • Whole Milik ñan ajiri 12 ñan 24 allõñ
  • Jiij
  • Kojer (Kosher) milik im jiij
  • Milik kõmman jen soy piin im tobu
  • Iokõt (yogurt)

BUROTIIN (PROTEIN)

  • Lep
  • Piin mõrā, pii ak lentõl
  • Kuwat in piin
  • Pinõt Bõta
  • Kuwat in ek ñan kõra ro rej kaniñniñ

KŪREIN (WHOLE GRAIN)

  • Raij būrawūn
  • Toortiia (koon ak wiit)
  • Pilawā (wiit/pilawā burawūn)
  • Wõtmiil
  • Utoñ burawūn

JŪŪJ

  • 100% jūūj

LEEN WÕJKE (FRUIT) IM BEJETABÕL (VEGETABLES)

  • Leen wõjke im bejetabõl kaal ak kwõj
  • Paitamen C 100% jūūj
  • *Kwomaroñ kõjerbal WIC jāān eo ñan leen wõjke im bejetabõl im wia poi kake.

JIRIEL (CEREAL)

  • Lap baitamen ak õn in aen (iron) ie im dik juka
  • Lap kūrein (grain) im lap bibõr (fiber) jen mennin eded ko einwot raij im wiit.
  • Kalet ko ñan mõñā ko ejelok kulutõn ie (gluten free)

MÕÑĀ IM BOMILA/MILIK KO KIJEN NIÑNIÑ

  • Jiriel ko kijen niñniñ
  • Mõñā ko kijen niñniñ elon leen wõjke im bejetabõl ie
  • Mõñà ko kijen niñniñ ewõr kanniõk ie ñan niññin ro rej ninnin
  • Bomila/ milik ko kijen niñniñ*

*WIC ej kijejeto in jipañ jinen ro rej kaninnin bwe en tõprak im jejjõt wawen aer kaninnin.
Ilo an ijino ak laplok najidik niñniñ eo bomila/milik emaroñ jino an diklok dānnin ittūt ñan ninnin. Ñe kwõj aikuj jipañ kõjparok dānnin ittūm, jouij call/kūr tok obiij eo an WIC.
Pukõte kootinatõr eo ej lale im bõk eddoin jikin kannin eo an WIC ilo ijõne jikum.


Laajrak in Mõñā ko Ñan Bõroro ro Jen Hawai’i WIC

Mõñā Ko Kijõm Jen WIC

  • Edik juka ie im elap bibõr (fiber)
  • Ej letok elõn kain õn ñan ānbwin
  • Ej kõmman bwe niñniñ eo en kileplok im ājmour lok.

Mõñā In Jipañ Ko:

  • Jiriel: 36 aunij
  • Kūrein (grain) ak mõñā in eddõk ko: 1 baun
  • Leen wõjke im bejetabõl: $47
  • Jūūj: 144 aunij (3-12 aunij ekwõj ak 3-48 aunij ilo kantaenõr ak kuwat)
  • Lobāāt ak bāāt bree milik (low-fat or fat-free) : 4.5 kalan
  • ioket (yogurt) ak lobāāt ak bāāt bree (low-fat or fat-free ) milik: 1 kot (quart)
  • Jiij: 1 baun
  • Lep: 1 tõjin
  • Piin im pinõt bõta: 1 baun mõrā ak 4 kuwat im pinõt bõta 16-18 aunij ilo bato.

Mokta jen an niñniñ eo nejum lotak, kennan ippān konjelõr eo an WIC ñan am kālet juon
ian pakij/Kõj kein jilu ñan am bõk jipañ in mõñā ñan kwe im niñniñ eo nejum.


 

Laajrak in Mõñā eo an Hawai’i WIC ñan Kõra ro Jinen im Niñniñ ro rej Ninnin

Pakij/Kõj in mõñā in ekilep tata ijowõtke ejelok bomila/milik ko kijen niñniñ ie. Kõra ro jinen im niñniñ ro remaron bõk pakij/kõj in mae ien eo ej juon an ajiri eo yio.

Enaj iwõj jipañ ñan eok ikijjien kaninnin aolepen yio in kein kajuõn an niñniñ eo. WIC im ra eo ej lale im kõjparok ajiri (American Academy of Pediatrics) rej rõjañ eok bwe kwõn kannin niñniñ eo nejum ilo allõñ ko 6 mokta in an amour. Ilo ien eo niñniñ eo etõpar 6 an
allõñ, jino katakini mõñā, ijowõtke wõnmanlok wot im kannini mae ien eo ej 2 an yio, ijin
am kõnaan.

Pakij In Mõñā eo Jinen

  • Jiriel: 36 aunij
  • Kūrein (grain) 1 baun
  • Leen wõjke im bejetabõl : $52
  • Jūūj: 144 aunij (3-12 aunij ekwõj ak 3-48 aunij kantaenõr)
  • Lobāāt ak bāāt bree milik: 5 kalan
  • Iokõt (yogurt) ak lo bāāt ak bāāt bree milik:1 kot (quart)
  • Jiij: 2 baun
  • Lep: 2 tõjin
  • Piin im pinõt bõta: 1 baun mõrā ak 4 kuwat im 16-18 aunij bato in pinõt bõta
  • Kuwat in tuna, jamõn, jatiin, im māākrõl: 30 aunij

Jinen ak kõra ro rej kannini elõn lok jen juon ajiri, (bo, jilu ak aierlok wot) enaj laplok kõj in mõñā eo kijier.

Pakij/Kõj in Mõñā eo an Niñniñ

Ñe niñniñ eo ej 0-5 allõñ:

  • Mõñā eo drein im emantata ñan niñniñ eo nejum ilo tõrein ej dān in ittum.

Ñe niñniñ eo nejum ej 6-11 allõñ rūttoin:

  • Jiriel kijen niñniñ: 24 aunij (8 aunij ak 16 aunij kantaenõr)
  • Mõña ko kijen niñniñ ewõr leen wõjke im bejetabõl: 64 kantaenõr, 4 aunij juon
  • Mõña ko kijen niñniñ ewõr kanniõk: 31 kantaenõr, 2.5 aunij juon

Laajrak in Mõñā eo an Hawai’i WIC ñan jinen ak kõra ro rej kannin im bareinwõt naajdik niñniñ eo kõn bato in ninnin:

Pakij/kõj in ej ñan paamle ko rej kannin kõn dān in ittier im bomila/milik jimor. Pakij/kõj in
ediklok mõña kopan jen pakij/kõj eo an ro rej kannin kõn dān in ittier wõt ak elaplok kopan jen pakij/kõj eo an ro rej kõjerbal bomila/milik wõt. Ilo pakij/Kõj in enaj wõr jet bomila/milik ie. Joñan bomila/milik eo enaj ekkar ñan joñan an niñniñ eo aikuji im ewi dettan. Jinen im niñniñ eo remaroñ bõk pakij/kõj in mae ien kemmem eo an kein kajuon.

Ke kwõj juon jinen eo ej ekejel ippān WIC, kwõnaj maron bõk jipañ ikijjien kannin aolepen
yio jinoin an niñniñ eo nejum mour.

Pakij/Kõj In Mõñā eo an Jinen

  • Jiriel: 36 aunij
  • Kūrein (grain) 1 baun
  • Leen wõjke im bejetabõl : $52
  • Jūūj: 144 aunij (3-12 aunij ekwõj ak 3-48 aunij kantaenõr)
  • Lobāāt ak bāāt bree milik: 4.5 kalan
  • Iokõt (yogurt) ak lo bāāt ak bāāt bree milik:1 kot (quart)
  • Jiij: 2 baun
  • Lep: 1 tõjin
  • Piin im pinōt bõta: 1 baun mõrā ak 4 kuwat im 16-18 aunij bato in pinõt bota

Pakij/Kõj in Mõñā eo an Niñniñ

Kannin jabrewõt ien komro niñniñ eo nejum ippān doon.

Allõñ eo an niñniñ eo kein kajuon:

  • Bomila/ milik: Remaroñ kõtlok am bõk 1 kuwat ın milik bouta 12.4 aunij. Kajjitõk ippān rijerbal ran ilo obiij en an WIC.

Ilo ien eo niñniñ so nejum ej 1-3 allõñ:

  • Bomila/milik: Lok ñan 4 kuwatin milik bouta kan 12.4 aunij*

Ilo ien eo niñniñ eo nejum ej 4-5 allõñ:

  • Bomila/milik: lok ñan 5 kuwatın milik bouta kan 12.4 aunij*

Ilo ien eo niñniñ eo nejum ej 6-11 allon:

  • Bomila/milik: lok ñan 4 kuwatin milik bouta kan 12.4 aunij
  • Jiriel kijen niñniñ: 24 aunij (8 aunij ak 16 aunij kantaenõr)
  • Mõñā kan kijen niñniñ ewõr leen wõjke im bejetabõl: 32 aunij kantaenõr-4 aunij juon

*Joñan bomila/milik kane emaroñ jab likuun jimwe ak jejjõt.


Laajrak in Mõñā eo an Hawai’i WIC ñan Jinen im Niñniñ ro rej Ninnin Bomila/milik

Pakij/kõj in ej an paamle ko ekkā wõt aer kannin kõn bomila/milik im ejeja aer kannin kin dran in itti. Elaplok aikiu in bomila/milik jen pakij/kõj eo an ro rej kannin jen ittier im bareinwõtbomila/milk. Bõtaab emaroñ jabwe wõt  bomla/milik ñan aikuj ko an niñniñ eo. Jinen ak kõra ro rej kāālõt pakij/kõj in renaj bõke allõñ ko 6 elkin an niñniñ eo lotak.

Ñe kwõnaj kāālõt pakij/kõjin, niñniñ eo nejum enaj bõki mõñā kein elaajrak ijin ilo yio eo
an kein kajuon. Kwe maake kwõnaj bõk kijõm mõñā ilo wõt allõñ ko 6 jinoin. Ke kwõj
jinen eo ej ekejel ippān WIC, enaj iwõj jipañ ikijjien kannin aolepen yio eo kein kajuon an
niñniñ eo nejum.

Pakij/ Kõj in Mõñā eo an Jinen:

  • Jiriel: 36 aunij
  • Leen wõjke im bejetabõl : $47
  • Jūūj: 96 aunij (2-12 aunij ekwõj ak 48 aunij kantaenõr)
  • Lobāāt ak bāāt bree milik: 3 kalan
  • Iokõt (yogurt) ak lo bāāt ak bāāt bree milik:1 kot (quart)
  • Jiij: 1 baun
  • Lep: 1 tõjin
  • Piin im pinōt bõta: 1 baun mõrā ak 4 kuwat im 16-18 aunij bato in pinõt bota
  • Pakij/Kõj an ro Ninnin Bomila jen bato enaj lewaj mõñā kein ilo allõñ ko jiljino
    imaan elkin an niñniñ eo lotak. Jinen ak kõra ro renaj kāālõt juon ian pakij/kõj kein, Kannin dān in itti aolep ien ak Kannin dān in itti im bomila jimor enaj laplok aer aikiu in mõñā ilo yio eo kein kajuon

Pakij/Kõj in Mõñā Kijen Niñniñ

Kannin aolep ien komro niñniñ eo nejum ej ippān doon.

Ilo ien eo niñniñ eo nejum ej 0-3 allõn rūttoin

  • Bomila/milik Lok ñan ak enjab lõnlok jen 9 kuwat in milik bouta kan 12.4 aunij*

Ilo ien eo niñniñ eo nejum ej 4-5 allõn rūttoin

  • Bomila/milik Lok ñan ak enjab lõnlok jen 10 kuwat in milik bouta kan 12.4 aunij

Ilo ien eo niñniñ eo nejum ej 6-11 allõn rūttoin

  • Bomila/milik: lok ñan 4 kuwat in milik bouta kan 12.4 aunij
  • Jiriel kan kijen niñniñ: 24 aunij (8 aunij ak 16 aunij kantaenõr)
  • Mõñā kan kijen niñniñ ewõr leen wõjke im bejetabõl ie 32 kantaenõr- 4 aunij juon

*Joñan bomila/milik kane emaroñ jab likuun jimwe ak jejjõt.


Laajrak in Mõñā eo an Hawai’i WIC ñan Ajiri ro 1-2 yio rūttoier

Mõñā ko Kijen Ajiri jen WIC:

  • Edik kiriij im elap baibõr (fiber).
  • Elõnkain õn ie.
  • Ejipañ kileplok ilo ajmour.

Pakij/ kõj in Mõña eo an Ajiri (kajojo ajiri):

  • Jiriel: 36 aunij
  • Kūrein (grain) 2 baun
  • Leen wõjke im bejetabõl : $26
  • Jūūj: 128 aunij (2-16 aunij ekwõj ak 64 aunij kantaenõr)
  • Whole milik: 2.5 kalan
  • Iokõt (yogurt) ak whole milik:1 kot (quart)
  • Jiij: 1 baun
  • Lep: 1 tõjin
  • Piin: 1 baun mõrā ak 4 kuwat

Laajrak in Mõñā eo an Hawai’i WIC ñan Ajiri ro 2-5 yio rūttoier

Ewi oktak eo an pakij/kõj in jen pakij/kõj eo an ajiri ro 1-2 yio rūttoier

  • Whole milik emoj an bõk jikin lobāat (1%) ak bāāt bree milik.
  • Pinõt bõta im kuwat in piin remaron binej jenkwan piin mõrā

Pakij/ kõj in Mõña eo an Ajiri (kajojo ajiri):

  • Jiriel: 36 aunij
  • Kūrein (grain) 2 baun
  • Leen wõjke im bejetabõl : $26
  • Jūūj: 128 aunij (2-16 aunij ekwõj ak 64 aunij kantaenõr)
  • Lobāāt ak bāāt bree milik: 2.5 kalan
  • Iokõt (yogurt) ak lo bāāt ak bāāt bree milik:1 kot (quart)
  • Jiij: 1 baun
  • Lep: 1 tõjin
  • Piin im pinōt bõta: 1 baun mõrā ak 4 kuwat im 16-18 aunij bato in pinõt bota