WIC wehwehki mwenge me kairada roson mwahu me sohte isaispe de pweipwei ong irail kan me kak alehdi sawas wet

WIC kin kihda mwenge me kairada roson mwahu, kasukuhl pen mehn ketinain akan ong roson en paliwar, sawas akan ong kedihdi, oh pil kaweid pen wasah kan me kin kihda sawas katapan akan ong me liseian, nohno me ahpwte neitik, seri pwelel, oh pil serih kan me mihmi pahn sounpar 5. Pahpahkan, pahpa oh nohno kahlap akan, oh pil iangahki irail akan me apwalih seri tei kan pwehki karehpeh tei kan kak apilaihda WIC ong seri pwukat. Peneini kan me kin doadoahk oh sohte wia towe mehlel en U.S. kak pil alehdi sawas wet. Ma ke anahne sawas epen pweinen mwenge pwe en ekis kadeila ahmw budget, ke kak tapiada noumw apilikeisin onlain nan ansou wet.

KAPIDOLONG NOUMW APILIKEISIN DE APILAIHDA RAHNWET!

(Ni Lokaiahn Wai)

Dahkot WIC?

WIC lepin lokaia wet me kawehwe ni wai Women, Infants and Children ni pohnpei Lih akan, seri pwelel oh seri kan. WIC ahneki doadoahk lap iou me iei en kairada roson mwahu oh sawaski elen men katinan mwahu kan ong nohno kan oh serih kan. Eh dedehier me ansoun liseian oh kairada seri kan wia ansou keiou kesempwal ong kekeirda oh koaiek pen momour oh WIC me wia wasahn sawas lap nan irair wet.

Dahme WIC kin sawas kihda?

---

Iet duwen apilaihda sawas pwukat

Ke kak iang towehda de alehdi Hawaiʻi WIC ma ke:

• Liseian, kedihdi, de ahpwte neitik nan sounpwong 6 nekier o, de naineki seri pahnangin sounpar 5, iangahki seri tei kan me pahpa men me sohte pwopwoud apwapwalih, nohno kahlap pahpa kahlap kan, nohno pahpahn seri kan me sohte epwel rehn uhdan arail nohno pahpa, nohno pahpa me apwalih seri en peidiar
• Kin kousoan nan Hawaii (met iangahki peneinei kan me mihmi nan sounpei, aramas en sapw liki tei kan oh pil tohn sukuhl en wehi tei kan)
• Wen mwohni me tohn ehu ihmw kin wiahda mihmi de pwungehng duwen mwohni me kileldi ong prokiram wet, DE pil kin aliahle de alehdier TANF, SNAP, QUEST de Medicaid.

Audehda oh kapidolong Hawaiʻi WIC pre-application nan onlain de inderned, oh mie tohn doadoahk en WIC pahn eker uhk. Ke pil kak eker nempehn delepwohn 586-8175 (Oahu) de nempe 1-888-820-6425 (Ong dekehn Hawaii teikan) ong sawas.

Tapiada de wiahda Pre-Application Wasaht.

(Ni Lokaiahn Wai)

 

---

Tepin Ahmw Apwoindmen

Dahme ih anahne wahda ong ahi tepin apwoindmen?

• Kadedepehn ihs kowe oh iangahki serih kan sang me pwelel lel sounpar 5 me rasehng kisin likou en ipwidi, laisen en diraip, ID sang ihmwen sukuhl, de pil repoht akan me sang rehn toahkte de ihmwen wini
• Kadedepen wasahn kousoan me iei kisin likou kou kan sang wasahn rent de ihmw me wia wasahn ahmw kousoan, kisin likou en lioal de bill en delepwohn, kapin tek de peidei, de kisin likou sang wasahn keiru kan me kopernmend de wehi kin sawaski.
• Doaropwehn kadehdehda wen mwohni me kin alahdi me iei sang kapin tek de peidei, SNAP de sinlikou sang TANF, Medicaid kard kan, de doaropwe en dakses.

Dahme ien kasik?

Ansoun tepin ahmw apwoindmen tohn doadoahk en WIC pahn kawehwehieng uhk mwomwen sawas wet oh pahn kadehde ma ke pahn kak alehdi de soh.

Sohn sawas me sewesiuk o pahn:

• Wiahda kesou pen kehl en palin war
• Kihwei ire kesempwal kan me pid mwenge mwahu kan ong songen kaupen kehl en nan paliwar
• Kiheng uhk pwihn en sawas akan ong pelien ihmwen wini oh sawas teikan
• Kihwei ia uwen ke pahn alehdi nan sounpwong ehu oh kasukuhlikin uhk mwomwen kanai seins de budget en pwainda mwengeh kan

Taman me noumw seri pahn anahne iang kohla ni ahmw tepin apwoindmen.

 

---

eWIC Kard oh kamwahupeh kan

Dahme WIC kin sawas kihda?

• Kard en eWIC oh lisd en mwengeh kan me mweimweida ken alehkihda.
• Songen mwenge dah pahn mwahu eng emen emen nan ahmw peneinei me kin kosang ni kesou me ohpis wet kin wia.
• Kaweid pen mwengehn roson mwahu kan me pahn idawen dahme ahmw anahn.
• Duwen kedihdi ong irail akan me men ale sawas wet.
• Sahpis en kieng uhk wasa tei kan ong prokiram kan oh sawas tohrohr kan
• Kamengei en wiahda apwoindmen ken pwaredo nan ohpis de mihte nimwomwo oh delepwohn.

FAQs

Ia duwen ahi pahn kak alehdi kamwahupen/kapai pen WIC nan nei WIC akaund?

Ni ahmw WIC apwointiment,tohn doadoahk en WIC pahn kapataieng sawas me ke pahn ale ong nan nein ahmw peneinei eWIC account. Ke pahn alehdi list en mwenge ong ahmw peneinei sang WIC ong sounpwung 3. Eh pahn kin mie rahn kilel ong tepida oh ansou me pah uhdi.

Dahkot eWIC kard?

eWIC kard duwehte kard en bank. Ke kak doadoangki eWIC kard ken pwainda mwenge me WIC-kamana ong WIC sidohwa kan. Ohpis en WIC pahn kin kapataieng kapai pwukat ong nan noumw eWIC akaund.

Isime ih kak kalelehki ma ih ahnahne sawas ong nei eWIC kard?

• Eker de koasoi eng WIC ohpis me ke karanih
• Kohla nan sdohwa ke kin ale mwenge ie rehn seweseiuk
• Eker eWIC kard pali en sahpis ong kastomer kan ni delepwohn 1-844-540-3013
• Doadoahngki kampiuter de delepwohn oh kohla nan websaid wet www.WICconnect.com

 

---

WICShopper mehn nan delepwohn

Dahme kin mih nan APP: Sikanih mwenge ni omw pahn kin sikani barcode pwe ken kak kilang dahme WIC mweidada. Tehk lis en mwenge kan me WIC kin kihda Repohtki ma mie mwenge me mweimweida nan mengihtik en irekidi en mwenge en WIC ahpw sohte kak alehki WIC ni omw pahn padik I Couldn't Buy This! nan app. Pil tekahda resepih en mwenge iou kan nan Yummy Recipes! Kilelehdi noumw WIC kard oh doadoankgi My Benefits pwe ken kak kilang depe luhwe ke kak doadoahngki. Kak diarada WIC Ohpis de sidohwa kan me kin ale WIC. Doadoahngki Produce Calculator oh Cereal Calculator ni ahmw kin net.

Ma noumw iPhone kieng met nan noumw delepwohn Ma noumw delepwohn Android kieng met nan noumw delepwohn (Ni Lokaiahn Wai)

Ehse oh wewehki mwahu duwen noumw sawas en mwenge sang WIC

Ke mweimwei en aledahte mwenge me mih nan noumw WIC pilahn. Menda ma mwenge ke sikanih inda “WIC allowed,” e pahn kakete sohte mweimweida pwehki e sohte iang mih nan noumw WIC pilahn. Karesepe, ma pwoaht en mwahmw mih nan lisd en noumw pilahno ke pahn kak pwainkihda WIC. Ke anahne noumw WIC kard ken resisterihdi nan app ede pahn sohte kak wewehki ia mwengeh kan me ke kak alehda me kileldier ong sawas en mwenge me omw peneinei alehdi.

Resisterihla eWIC Kard oh pil WICShopper App

Mwomwen wiahda noumw eWIC Kard:

• Pilada nempe 4 me pahn wia noumw (PIN) mwohn omw pahn doadoahngki kard
• Pwe ken pilada de wiahda noumw PIN:
  
  • Eker nempehn delepwohn wet 1-888-347-5449
    DE
  • Doadoahngki kampiuter kohla nan websaid wet:health.hawaii.gov/wic/eWIC
  • Ih wasa ke pahn diarad wasa ke pahn kiheng noumw PIN.

Pwe ken wiahda WICShopper App nan noumw delepwohn:

• Kiheng “WICShopper” sang nan APP Store.
• Pilada Hawaii me wia WIC Ohpis
• Resisterihla nempe 16 me mih pohn noumw kard en eWIC.
• Sikanih mwengeh kan pwe ken kak esehda ma WIC-mweidada ni ansou omw pahn net.
• Tehk uwen me pahn kin kak ale, Lisd en mwengeh kan me mweimweida en alahlda, resepi kan, oh pil soang teikan sang nan app!

Hawaii WIC lisd en mwengeh kan

Hawaiʻi WIC Lisd en mwenge ong Lih me liseian kan

Ietakan mwengehn WIC kan:

• Mwenge me tikitik fat oh audaudki fiber.
• Kiheng songsongen mehn ketinain me mwahu oh kalaude roson en paliwar.
• Sewese seri pwelel en kak ahneki paun me kasalehda e kekeirda mwahu oh kehlail.

Duwen isais en mwengeh kan:

• Cereal: ohns 36
• Whole grains: paun 1
• Wahntuhke oh Iasai: $47
• Juice: ohnz 144 (3-12oz me mih nan ais de 3-48oz kantainer)
• Low-fat de fat-free milik: Kalon 4.5
• Yogurt de low-fat de fat-free milik: 1 quart
• Cheese: paun 1
• Kutohr: doasen 1 de me kin meh 12
• Beans oh peanut butter: paun 1 me peleng de pwoat 4 oh peanut butter me mihmi ni ohns 16-18

Mwohn omw pahn neitik, koasoi eng sohn sawas sang WIC me pid duwen pilada ehu sais en mwenge dah nan pwungen me silu o ong kowe oh noumw seri.

Hawaiʻi WIC lisd en mwenge oh nohno kan oh seri pwelel me kin dihdisang rehn nohno

Uwen mwenge de isais me kin kohda ong me neitikehr me keiou laud oh sohte milik en kedihdi loahle. Nohno kan oh serih kan kak aliale isais wet lau seri o sounpar 1.

Ke pahn alehdi sawas me pid duwen kedihdi lau seri en sounpar ehu. WIC oh irail sohn semen en toahktehn serih kan me kadanki American Academy of Pediatrics kaweidki ken kedihdi sang ipwidihn seri oh lau sounpwong 6. Ansou me seri lel sounpwong 6 kohla tepida kaiahnehki mwenge oh pil pelianki kedihdi lau lel sounpar 2 de pil kak laudsang, met kak mihmi ni pein omw pepehm de ineng.

Hawaiʻi WIC lisd en mwenge on Nohnohkan oh me kedihdi elepin ansou

Uwen isais pen mwenge wet kohdahr ong peneinei kan me kedihdi pil kapatahieng dihdi melik pehs. Isais wet tikitik sang me kin kedihdi tohr kan eh iangahki ekei milik pehs. Uwen milik me pahn kohda kin pahrekieng en seri pwelel anahn oh ah sounpar. Nohnohkan oh seri pwelel kan kak aliale isais wet lau seri o sounpar ehula.

Pwehki ke wia Nohno men me aliale WIC, ke pahn kin ale sawas sang pwihn en kaweidki kedihdi lau noumw seri en lel sounpar ehu.

Hawaii WIC lisd en mwengeh kan ong Nohno kan oh seri me dihdi nan pwoatol de dihdihki milik pehs

Isais wet ong peneinei kan me kamwenge neirail seri milik pehs pali laud sang kedihdi de pil dihdihkihte milik pehs. Milik pehs uhd laudsang de tohtosang nan me kin kedihdi ekei ansou, e pil kakete kaidehn ih milik pehs kat me noumw seri kin dihdiki. Nohnohkan me kin pilada isais wet pahn kin ale mwenge wen sounpwong 6 mwurin seri ah ipwidi.

Ma ke pilada isais wet, noumw seri pahn kin ale mwenge me pahn sansal kan erein sounpar ehu. Ke pil pahn alehdi pein konomw mwenge ihte e pahn sounpwong 6 te. Pwehki ke iang ale WIC, ke pahn pil ale sawasepen kedihdi lau noumw seri lel sounpar ehu.

Hawaiʻi WIC Lisd en Mwenge ong Serihkan me mihmi ni sounpar 1-2

Kenen noumw seri mwengehn WIC:

• Sohte suhke laud oh laud fiber.
• Kiheng mehn ketinain akan me kairada roson mwahu.
• Sawas kairada paun en seri me pahrekieng e sounpar de sounpwong.

Isais en mwenge ong seri (wad emen seri):

• Cereal: ohns 36
  
• Whole grains: paun 2
  
• Wahntuhke oh Iasai: $26
  
• Juice: ohnz 128 (2-16oz me mih nan ais de 64oz kantainer)
  
• Whole milik: Kalon 2.5
  
• Yogurt de whole milik: 1 quart
  
• Cheese: paun 1
  
• Kutohr: doasen 1 de me kin meh 12
  
• Beans: paun 1 me peleng de pwoat 4

Hawaiʻi WIC lisd en mwenge ong serihkan me mihmi ni sounpar 2-5

Ia duwen koasoandi en mwenge ong dih wet, e wekisang isais en mwenge me kohda ong seri sounpar 1-2?

• Sohte Whole milk kohda ahpw uhd milik me low-fat (1%) de milik me sohte suke
• Peanut butter oh pwoat en beans me weliandi beans me kin peleng.

Isais en mwenge ong seri (wad emen seri):

• Cereal: ohns 36
  
• Whole grains: paun 2
  
• Wahntuhke oh Iasai: $26
  
• Juice: ohnz 128 (2-16oz me mih nan ais de 64oz kantainer)
  
• Low-fat de fat-free milik: Kalon 2.5
  
• Yogurt de low-fat de fat-free milik: 1 quart
  
• Cheese: paun 1
  
• Kutohr: doasen 1 de me kin meh 12
  
• Beans oh peanut butter: paun 1 me peleng de pwoat 4 oh peanut butter me mihmi ni ohns 16-18