Meatloaf with Breadfruit(Kuka e tu'u iai le 'Ulu)

O le 'ulu o se mea'ai masani a le toatele e mafai ona taumafaina na'o le 'ulu pe faaaopoopo o se fesoasoani i le faaleleia o isi kuka e pei o le meatloaf. O lenei kuka e mafai ona fesuia'i lona faiga.

Mea e faaaoga

• 1/2 tama'i aniani (tipitipi) ✅
• 1 tama'i sipuni pata (po o le ga'o olive)
• 2 pauna ground beef (fasipovi ua faamalūina)
• 1 tama'i sipuni sosi tamato (ketchup)
• 1 tama'i sipuni mea faamanogi Italia (Italian seasoning)
• 1 tama'i sipuni masima
• 1/2 tama'i sipuni pepa (pepper)
• 2 ipu ti 'ulu ua tipitipi ('ulu vela) ✅
• 2 fuamoa ✅
• 3/4 ipu ti susu (skim milk) ✅

Sosi pe a manaomia:

• 1/2 ipu ti sosi tamato(ketchup)
• 2 Sipuni lapoa suka enaena

O Faatonuga o le faiga

1. Faavevela le ogaumu i le 350F. Tu'u le foil(Pepa alamini)i le apa tao mea'ai.
2. I se tama'i falai, kuka ai le aniani ma le pata seia vela. Tu'u se'i ma'alili.
3. I se poulu (bowl)tu'u iai: le fasipovi, le aniani sa kukaina, sosi tamato ma mea faamanogi. Sa'eu faatasi.
4. Tipitipi le 'ulu vela. Tuu i le paluga faatasi ma fuamoa ma le susu. Tuu ese mo le 5 minute.
5. Tuu faatasi pei o se falaoa ma tu'u i totonu o le apa e tao ai mo le 40 minute.
6. Aveese mai le oveni le meatloaf, saasaa iai le sosi, ma toe tuu i le oveni e toe kuka mo leisi 10 minute pe se'ia oo atu lona vevela i le 160F.

✅ Mea'ai e Faamaonia e le WIC

O lenei kuka o se tuufaatasiga o ni taumafaiga eseese Kealohi Naipo aka @the.hawaiian.dietitian.